„საბრინოვო“ — მოხუცთა პანსიონატი თბილისში. რეაბილიტაცია. დაგვიკავშირდით კონსულტაციისთვის

1. როგორ შეგიძლიათ დაუკავშირდეთ თქვენს ნათესავს პანსიონატში ყოფნისას?

ჩვენთვის უმნიშვნელოვანესია, რომ ჩვენს სტუმრებს და მათ ახლობელს შორის კომუნიკაცია ყოველთვის იყოს ხელმისაწვდომი. შესაბამისად, თქვენს ნათესავთან დაკავშირებას შეძლებთ როგორც სატელეფონო ზარით, ასევე ვიდეოზარებით What’s Up, Viber და Telegram პლატფორმების საშუალებით.

თუ თქვენს ახლობელს არ ექნებათ წვდომა თანამედროვე ტექნოლოგიებზე, ჩვენი ადმინისტრაცია ან თანამშრომელი დაგეხმარებათ მათთან დაკავშირებაში.

სტუმრების მიღების საათები:

9:00 – 14:00
16:00 – 19:00

2. რა მოხდება, თუ ჩემი ნათესავის ჯანმრთელობის მდგომარეობა შეიცვლება?

ჩვენთვის პრიორიტეტულია თითოეული ბენეფიციარის ჯანმრთელობისა და ემოციური მდგომარეობის მუდმივი მონიტორინგი. ჯანმრთელობის ან ზოგადი მდგომარეობის ცვლილების შემთხვევაში, ჩვენი გუნდი დაუყოვნებლივ გაცნობებთ დეტალებს და საჭიროების შემთხვევაში, მივიღებთ შესაბამის სამედიცინო ზომებს.

თუ მდგომარეობა არ იქნება ჩვენი კონტროლის ქვეშ, გამოვიძახებთ სასწრაფო დახმარებას და შეგატყობინებთ ყველა საჭირო ინფორმაციას.

3. თქვენს სერვისში შედის მედიკამენტების შეძენა?

თუ თქვენი ნათესავი იღებს მედიკამენტებს და თქვენ არ გაქვთ დრო, შეიძინოთ საჭირო მედიკამენტები ჩვენი სპეციალისტები მზად არიან დაგეხმარონ.

თქვენთან შეთანხმებულად შევადგენთ ბენეფიციარებისთვის საჭირო ნივთების დეტალურ ჩამონათვალს;
თავად შევიძენთ წამლებს ცენტრის ბიუჯეტიდან;
გადახდის ქვითრების საფუძველზე თანხას გადაიხდით თქვენთვის მოსახერხებელ დროს.

4. რომელი დამატებითი სერვისები არ შედის სტანდარტულ პაკეტში?

პანსიონატის სტანდარტულ ღირებულებაში არ შედის მედიკამენტების საფასური და ერთჯერადი საფენები, რომლებიც საჭიროების შემთხვევაში უნდა შეიძინოთ დამატებით.

თუ ვერ მოახერხებთ შესყიდვას, ჩვენი სპეციალისტები ყოველთვის მზად არიან დაგეხმარონ. გადახდის ქვითრების საფუძველზე თანხას გადაიხდით თქვენთვის მოსახერხებელ დროს.

5. რატომ არის ხანდაზმულთა მოვლის ცენტრში ცხოვრება უკეთესი, ვიდრე კერძო დამხმარეს დაქირავება?

კერძო დამხმარეს შესაძლოა არ ჰქონდეს საჭირო პროფესიული გამოცდილება, რათა უზრუნველყოს ყველა ის სერვისი, რომელიც აუცილებელია ხანდაზმული ადამიანის ჯანმრთელობისთვის, უსაფრთხოებისა და კეთილდღეობისთვის. ხანდაზმულთა მოვლის ცენტრში მცხოვრებ პირებს ვთავაზობთ კომპლექსურ და ინდივიდუალურ მიდგომას, რაც მოიცავს არა მხოლოდ სამედიცინო დახმარებას, არამედ ფსიქოლოგიურ და სოციალურ მხარდაჭერასაც.

ჩვენი სპეციალისტები, რომლებიც არიან დატრენინგებულები და პროფესიულად მომზადებულები, უზრუნველყოფენ ბენეფიციარების მუდმივ მეთვალყურეობას 24 საათის განმავლობაში.

ცენტრში არის ყველა საჭირო ინფრასტრუქტურა: სამედიცინო საწოლები მწოლიარეთათვის, ეტლები, ყავარჯნები, კომფორტული აბაზანა და საპირფარეშო, რაც ჩვენი მობინადრეების ცხოვრებას უფრო კომფორტულსა და უსაფრთხოს ხდის.