ჩვენს შესახებ

გაკვეთილები და გართობა

მოხუცებულობა არ არის რთული პერიოდი, უფრო ძნელია მარტოობა და ერთფეროვნება. სწორედ ამიტომ, განსაკუთრებულ ყურადღებას ვაქცევთ ჩვენს ბინადართა თავისუფალი დროისა და დასვენების ხარისხიანად ორგანიზებას. ცენტრში ვთავაზობთ არა მხოლოდ თანატოლებთან ურთიერთობის შესაძლებლობას - სეირნობას, ჩაის სმასა და საუბარს, არამედ მრავალფეროვან და საინტერესო აქტივობებს: სამაგიდო თამაშებს, ანიმაციურ გაკვეთილებს, სხვადასხვა ღონისძიებებსა და კინო სეანსებს, რაც მათ ყოველდღიური ცხოვრების ხარსიხსს აუმჯობებს.

ჯანმრთელობის მონიტორინგი

ხანდაზმულ ასაკში ჯანმრთელობის მდგომარეობის გაუარესება ხშირი მოვლენაა, ხოლო გართულებების თავიდან აცილების საუკეთესო გზა არის მისი მუდმივი კონტროლი. ჩვენ ვთავაზობთ ბინადრებს სრულფასოვან მოვლასა და ინდივიდუალურ მიდგომას, მათ ნათესავებს კი რეგულარულ კონსულტაციებსა და ჯანმრთელობის მდგომარეობის შესახებ განახლებულ ინფორმაციას. პანსიონატში ყურადღება ექცევა ჯანმრთელობის ძირითადი მაჩვენებლების მუდმივ მონიტორინგს (წნევა, პულსი, სისხლში შაქარი და სხვა), მედიკამენტების მიღების გრაფიკის მკაცრ დაცვასა და მწოლიარე პაციენტებისთვის ინდივიდუალურ მიდგომას.

დღეში 5-ჯერადი კვება

გემრიელი და ჯანსაღი საკვები შეუცვლელია მოხუცი ადამიანების რაციონში. ჩვენი პანსიონატების დღის რეჟიმში გათვალისწინებულია სრულფასოვანი ხუთჯერადი კვება, დაბალანსებული განსაკუთრებით მოხუცი ადამიანებისთვის. მენიუში შედის ხორცის კერძები, რძის პროდუქტები, დესერტები, ახალი ხილი და ბოსტნეული, რომლებიც ხელს უწყობს მომნელებელი სისტემის გაუმჯობესებას და ვიტამინების მარაგის შევსებას