Ge
En
დღესდღეისობით ხანდაზმულებზე ზრუნვა უფრო ფართო მნიშვნელობას იძენს. ის გულისხმობს არა მხოლოდ ფიზიკურ დახმარებას - მედიკამენტების მიღებასა თუ ყოველდღიურ ჰიგიენას, არამედ ემოციურ მხარდაჭერას, რომელიც მოხუცებულს უბრუნებს თვითრწმენას და ახსენებს, რომ ცხოვრების ყოველი დღე ფასეულია.
სწორედ ასეთ ატმოსფეროს ქმნის ხანდაზმულთა მოვლის ცენტრი “საბრინოვო”, სადაც სიბერე ღირსეულია, ხოლო ყოველი დღე ახალი მიზეზია ურთიერთობისთვის.
გაიგე მეტი ჩვენი სერვისების შესახებ
ჯანმრთელობის მსოფლიო ორგანიზაციის მონაცემებით, 60 წლის და უფროსი ასაკის ადამიანების დაახლოებით 14%-ს აღენიშნება ფსიქიკური ან ემოციური დარღვევა, ხოლო ხანდაზმულთა 25% თავს მარტოსულად გრძნობს.
შეზღუდული მოძრაობა, ურთიერთობების ნაკლებობა და რუტინული დღეები დროთა განმავლობაში იწვევს სტრესს, არღვევს ძილის რეჟიმს და ამცირებს იმუნიტეტს.
მარტოობის გავლენა ხანდაზმულთა ჯანმრთელობაზე
მარტოობის შეგრძნება ხანდაზმულთა ცხოვრებაში ხშირად შეუმჩნევლად იპარება. თითქოს არაფერი იცვლება - მაგრამ ნელ-ნელა საუბრები იშვიათდება, ურთიერთობები იკლებს და სიჩუმე იპყრობს სივრცეს. ამ სიჩუმეში კი ჩნდება რაღაც, რაც რთულია სიტყვებით გადმოსცე-ემოციური დაღლილობა, შინაგანი სიცარიელედა წარსულის ნოსტალგია.
მარტოობის განცდა ხშირად ჩნდება მაშინაც კი, როცა ადამიანი ოჯახის წევრების გარემოცვაშია. ეს გრძნობა განსაკუთრებით მძაფრდება, როცა ფიზიკური აქტივობაიკლებს და სოციალური ცხოვრება აღარ წარმოადგენს ყოველდღიურობის ნაწილს.
კვლევები აჩვენებს, რომ ხანგრძლივი სოციალური დისტანცირება ზრდის ისეთი პრობლემების რისკს, როგორიცაა ალცჰაიმერი, გულის დაავადებები, ინსულტი და დემენცია ხანდაზმულ ადამიანებში.
„საბრინოვოში“ ამ გამოწვევას განსაკუთრებული ყურადღება ექცევა.
ცენტრში სოციალური ურთიერთობები ზრუნვის ბუნებრივი ნაწილია - ბინადრებს ყოველდღიურად ეძლევათ შესაძლებლობა იურთიერთონ, ჩაერთონ სხვადასხვა აქტივობებში და იგრძნონ, რომ ისინი საზოგადოების აქტიური და მნიშვნელოვანი წევრები არიან.
ასეთი ყოველდღიური ურთიერთობები ამცირებს მარტოობის განცდას, აძლიერებს პოზიტიურ ფიქრებს და ეხმარება ხანდაზმულებს, შეინარჩუნონ სიცოცხლის ხალისი.
„საბრინოვოში“ ურთიერთობები ზრუნვის ბუნებრივი ნაწილია
„საბრინოვოში“ ზრუნვა ნიშნავს ბევრად მეტს, ვიდრე ფიზიკურ დახმარებას. აქყურადღების ცენტრშია ადამიანი - მისი ემოციები, ურთიერთობები და შინაგანისიმშვიდე.
საბრინოვოს გუნდი შედგება პროფესიონალებისგან, რომლებიც ყოველდღიურადქმნიან ოჯახურ ატმოსფეროს. თითოეული მათგანი ზრუნავს არა მხოლოდმოხუცებულთა ჯანმრთელობაზე, არამედ იმაზე, რომ ყოველმა სტუმარმა იგრძნოსსიყვარული და პატივისცემა.
„სამედიცინო ზედამხედველობა მხოლოდ ერთ-ერთი ნაწილია იმ კომპლექსური ზრუნვისა, რომელსაც მოხუცებულთა პანსიონატი აერთიანებს. გუნდი აცნობიერებს, რომ ადამიანის მდგომარეობას განსაზღვრავს არა მხოლოდ ფიზიკური, არამედ ემოციური და სოციალური ფაქტორებიც - სწორედ ამიტომ თითოეულ მაცხოვრებელს სთავაზობს ინდივიდუალურ მიდგომას,
აქ ადამიანი აღიქმება არა როგორც პაციენტი, არამედ როგორც პიროვნება - საკუთარი ისტორიით, ემოციებითა და საჭიროებებით.
ცენტრში განსაკუთრებული ყურადღება ეთმობა ურთიერთობებსა და საერთო გამოცდილებას -იმ დეტალებს, რომლებიც ყოველდღიურობას აზრს ანიჭებს:
- სეირნობა სუფთა ჰაერზე;
- სამაგიდო თამაშები და შემოქმედებითი აქტივობები წვრილი მოტორიკის განსავითარებლად;
- სხვადასხვა ღონისძიებები
გუნდის წევრები ყოველდღიურ კონტაქტში არიან თითოეულ მაცხოვრებელთან - განსაკუთრებით მათთან, ვინც შეზღუდული შესაძლებლობების გამო დამატებით ყურადღებასა და ზრუნვას საჭიროებს.
მნიშვნელოვანია, რომ ეს ურთიერთობები არა მხოლოდ სითბოსა და ნდობას ქმნის, არამედ აძლიერებს შინაგან მოტივაციას - ადამიანს ეხმარება ირწმუნოს საკუთარი ძალების და დაიბრუნოს აქტიური ცხოვრების შეგრძნება.
სწორედ ამიტომ, „საბრინოვოში“ ემოციური მხარდაჭერა განიხილება როგორც რეაბილიტაციის აუცილებელი ნაწილი.
ფიზიოთერაპიას ყოველთვის თან ახლავს საუბარი, მოტივაცია და ყურადღება - ის მხარდაჭერა, რომელიც ამცირებს შიშის ან დაუცველობის განცდას და აძლიერებს რწმენას საკუთარი ძალების მიმართ.
ზრუნვა, რომელიც ღირსეულ სიბერეს ქმნის
„საბრინოვოში“ ზრუნვა არ მთავრდება ფიზიკური კომფორტით.
აქ მთავარი მიზანია ადამიანისთვის ემოციური ბალანსისა და ცხოვრების ხარისხის შენარჩუნება.
ბინადრებს ეძლევათ შესაძლებლობა იყვნენ აქტიურები, იპოვონ ახალი მეგობრები, გააზიარონ გამოცდილება და იგრძნონ, რომ მათი ყოფნა და სიტყვა კვლავ მნიშვნელოვანია.
„საბრინოვო“ არ არის უბრალოდ პანსიონატი - ეს არის ხანდაზმულთა მოვლის თანამედროვე ცენტრი, სადაც ზრუნვა ნიშნავს ურთიერთობას, ემოციურ მხარდაჭერას და ღირსეულ სიბერეს.
თუ გსურთ, რომ თქვენი ახლობელი იყოს გარემოში, სადაც ზრუნვა და ემოციური მხარდაჭერა თანაბრად მნიშვნელოვანია -
მოინახულეთ ხანდაზმულთა მოვლის ცენტრი თბილისში „საბრინოვო“ და დარწმუნდით, რომ სიბერე შეიძლება იყოს მშვიდი, აქტიური და სავსე ურთიერთობებით.
