Ge
En
ზაფხული ბევრისთვის დასვენების, გარემოს შეცვლისა და ძალების აღდგენის პერიოდია. თუმცა, როდესაც ოჯახში ხანდაზმული ახლობელია, რომელსაც მუდმივი ზრუნვა სჭირდება, შვებულების დაგეგმვა ბევრად უფრო რთულდება.
ერთი მხრივ, ოჯახის წევრებსაც სჭირდებათ დასვენება, მეორე მხრივ კი ჩნდება მთავარი კითხვა: ვის მივანდოთ საყვარელი ადამიანის უსაფრთხოება, კომფორტი და ყოველდღიური საჭიროებები?
ასეთ დროს გადაწყვეტილების მიღება მარტივი არ არის. სწორედ ამიტომ, მნიშვნელოვანია რეალისტურად შევხედოთ იმ ალტერნატივებს, რომლებიც ოჯახის წინაშე დგას.
ალტერნატივა 1: ხანდაზმულის თან წაყვანა დასასვენებლად
ერთი შეხედვით, ეს ყველაზე მზრუნველი და გულისხმიერი გადაწყვეტილებაა - ოჯახის წევრი თქვენთან ერთად არის, ყურადღების გარეშე არ რჩება და თითქოს ყველაფერი კონტროლქვეშაა.
თუმცა, როდესაც საქმე ეხება ადამიანს, რომელსაც ჯანმრთელობის სერიოზული სირთულეები აქვს, მაგალითად დემენცია, პარკინსონი, გადაადგილების პრობლემა ან მუდმივი მეთვალყურეობის საჭიროება, დასვენების გარემო მისთვის შესაძლოა სტრესის წყაროდ იქცეს.
უცნობი სივრცე, ხმაური, შეცვლილი რუტინა, ახალი ადამიანები და განსხვავებული რეჟიმი ხშირად ხანდაზმულში შფოთვას, დაბნეულობას ან დისკომფორტს იწვევს. ასეთ დროს მას კიდევ უფრო მეტი ყურადღება სჭირდება - უსაფრთხოების კონტროლი, კვების რეჟიმი, წამლების დროულად მიღება, დასვენება, გადაადგილება და ემოციური მხარდაჭერა.
საბოლოოდ, შეიძლება აღმოჩნდეს, რომ შვებულება არც თქვენთვის გამოდის დასვენება და არც მისთვის კომფორტული გამოცდილება. თქვენ მუდმივად ნერვიულობთ, ის კი გარემოს ცვლილებით იღლება.
ალტერნატივა 2: კერძო მომვლელი სახლში
ბევრი ოჯახი ხანდაზმულის სახლში დატოვებას და კერძო მომვლელის ან მედდის დახმარებას ირჩევს. ამ გადაწყვეტილებას ნამდვილად აქვს თავისი უპირატესობა - ადამიანი რჩება ნაცნობ გარემოში, საკუთარ ოთახში, საკუთარ ნივთებთან და იმ სივრცეში, სადაც თავს შედარებით უსაფრთხოდ გრძნობს.
მაგრამ 24-საათიანი ზრუნვის უზრუნველყოფა სახლის პირობებში მარტივი არ არის. ერთი მომვლელი ფიზიკურად ვერ შეძლებს უწყვეტად, დღე-ღამის განმავლობაში ხარისხიანი ყურადღების გაწევას. საჭიროა ცვლები, რამდენიმე პროფესიონალის ჩართვა და მუდმივი ორგანიზება.
ამასთან, ხარჯიც მნიშვნელოვნად იზრდება. 24/7 რეჟიმში მომვლელების ან მედდების დაქირავება ხშირად საკმაოდ დიდ ფინანსურ რესურსს მოითხოვს. გარდა ამისა, მიუხედავად ფიზიკური მოვლისა, ხანდაზმული ხშირად მაინც მარტო რჩება - მხოლოდ მომვლელთან ერთად, თანატოლებთან ურთიერთობის, აქტივობებისა და სოციალური გარემოს გარეშე.
ალტერნატივა 3: „საბრინოვო“ - ზრუნვა, უსაფრთხოება და აქტიური ყოველდღიურობა
სწორედ ასეთ დროს „საბრინოვო“ ოჯახისთვის შეიძლება გახდეს მშვიდი და გააზრებული გადაწყვეტილება.
„საბრინოვო“ არ არის უბრალოდ სივრცე, სადაც ხანდაზმულს დროებით ტოვებენ. ეს არის გარემო, სადაც მაცხოვრებლები იღებენ სრულფასოვან ზრუნვას, არიან უსაფრთხოდ, ერთვებიან ყოველდღიურ აქტივობებში და არ რჩებიან მარტო.
აქ ხანდაზმულების ყოველდღიურობა მორგებულია მათ საჭიროებებზე ს-ამედიცინო მეთვალყურეობით, მოწესრიგებული კვებით, დასვენების რეჟიმით, ფიზიკური და კოგნიტური აქტივობებით, ემოციური მხარდაჭერითა და ადამიანური ურთიერთობებით.
რა ხდის „საბრინოვოს“ განსაკუთრებულს?
სრული ზრუნვა ერთ სივრცეში
„საბრინოვოში“ ხანდაზმულებზე ზრუნავენ პროფესიონალი მედდები და მომვლელები. მათი ყოველდღიური რეჟიმი ორგანიზებულია ისე, რომ დაცული იყოს როგორც ფიზიკური უსაფრთხოება, ისე ემოციური სიმშვიდე.
მაცხოვრებლები იღებენ ხუთჯერად კვებას, საჭიროების შემთხვევაში - დახმარებას გადაადგილებაში, ჰიგიენაში, მედიკამენტების მიღებაში და ყოველდღიურ საჭიროებებში. ასევე მნიშვნელოვანია დასვენების და დღის რუტინის მოწესრიგება, რაც განსაკუთრებით დიდ როლს თამაშობს დემენციის ან სხვა ქრონიკული მდგომარეობების დროს.
აქტივობები და ანიმატორების პროგრამა
ხანდაზმულებისთვის მხოლოდ მოვლა საკმარისი არ არის. მათ სჭირდებათ სტიმული, ურთიერთობა, განწყობა და ყოველდღიური ჩართულობა.
„საბრინოვოში“ ანიმატორები ყოველდღიურად ზრუნავენ მაცხოვრებლების აქტიურობაზე. ტარდება კოგნიტური და ფიზიკური ვარჯიშები, მარტივი თამაშები, მუსიკალური აქტივობები და სხვადასხვა ტიპის გასართობი პროგრამა, რომელიც მათ გონებრივ და ემოციურ მდგომარეობას ეხმარება.
ეს განსაკუთრებით მნიშვნელოვანია მათთვის, ვისაც დემენცია, მეხსიერების სირთულეები ან ასაკთან დაკავშირებული სხვა გამოწვევები აქვს.
სოციალიზაცია და ადამიანური გარემო
სახლში დარჩენის შემთხვევაში, ხანდაზმული ხშირად მხოლოდ მომვლელთან ურთიერთობს. „საბრინოვოში“ კი ის ყოველდღიურად არის ადამიანებთან- თანატოლებთან, პერსონალთან, აქტივობების მონაწილეებთან.
აქ ისინი თამაშობენ ნარდს, კარტს, უსმენენ მუსიკას, საუბრობენ, იცინიან, ცეკვავენ და ერთმანეთს უზიარებენ ემოციებს. ეს გარემო ეხმარება მათ, თავი იგრძნონ არა მარტო მოვლის ობიექტად, არამედ საზოგადოების სრულფასოვან ნაწილად.
ფინანსურად უფრო გააზრებული არჩევანი
როდესაც ოჯახი ითვლის სახლში 24-საათიანი ზრუნვის ხარჯებს - რამდენიმე მომვლელს, კვებას, სამედიცინო ყურადღებას, ორგანიზებას და დამატებით საჭიროებებს - ხშირად აღმოჩნდება, რომ ეს ბევრად უფრო რთული და ძვირია.
„საბრინოვოში“ კი ეს ყველაფერი ერთ სივრცეშია გაერთიანებული: პროფესიონალური მოვლა, კვება, სამედიცინო მეთვალყურეობა, აქტივობები და უსაფრთხო გარემო. სწორედ ამიტომ, ეს გადაწყვეტა ხშირად არა მხოლოდ კომფორტული, არამედ ფინანსურადაც უფრო ეფექტურია.
კომუნიკაცია არასდროს წყდება
ბევრ ოჯახს ეშინია, რომ მოხუცთა სახლში ახლობლის მიყვანით მასთან კავშირი შესუსტდება. სინამდვილეში, „საბრინოვოში“ ეს კავშირი შენარჩუნებულია.
ოჯახის წევრებს შეუძლიათ მოიკითხონ ახლობელი, მიიღონ ინფორმაცია მის მდგომარეობაზე, ჩაერთონ კომუნიკაციაში და იყვნენ მშვიდად, რომ მათთვის ძვირფასი ადამიანი ყურადღების, ზრუნვისა და უსაფრთხოების გარეშე არ რჩება.
ეს არ არის დაშორება. ეს არის პასუხისმგებლიანი გადაწყვეტილება, რომელიც ორივე მხარეს ეხმარება - ხანდაზმულს აძლევს ზრუნვას და აქტიურ გარემოს, ხოლო ოჯახს აძლევს შესაძლებლობას, დაისვენოს დანაშაულის გრძნობის გარეშე.
დასვენება თქვენთვის, ზრუნვა - მისთვის
ზაფხულის შვებულება არ უნდა იქცეს შფოთვისა და მუდმივი ნერვიულობის პერიოდად. როდესაც ხანდაზმულ ახლობელს სჭირდება მუდმივი ყურადღება, მნიშვნელოვანია ისეთი გადაწყვეტილების მიღება, რომელიც მის საჭიროებებსაც გაითვალისწინებს და თქვენს დასვენების უფლებასაც.
„საბრინოვო“ სწორედ ამ ბალანსს ქმნის - თქვენ მშვიდად ისვენებთ, თქვენი ახლობელი კი უსაფრთხო, მზრუნველ და აქტიურ გარემოში ატარებს დროს.
რადგან ზრუნვა ყოველთვის სახლში დარჩენას არ ნიშნავს. ზოგჯერ ზრუნვა ნიშნავს საუკეთესო გარემოს არჩევას - იქ, სადაც ადამიანი მარტო არ არის, სადაც მას უსმენენ, ეხმარებიან და ყოველდღიურობას უფრო თბილსა და მშვიდს უხდიან.
